Mae cyfnod y Cofio yn hanfodol bwysig i bob un ohonom, er mwyn inni allu anrhydeddu gwasanaeth ac aberth cymuned y Lluoedd Arfog.

Mae Llywodraeth Cymru yn llwyr werthfawrogi y bydd Awdurdodau Lleol, cynghorau tref a chymuned, ynghyd ag elusennau a’r Fyddin, yn cynllunio gweithgarwch y Cofio ar gyfer mis Tachwedd 2020 ac rydym am sicrhau bod gan drefnwyr gymaint o wybodaeth ar gael iddynt er mwyn cynllunio gweithgarwch y Cofio’n ddiogel.

O ystyried y sefyllfa bresennol gyda Covid 19, mae’n amlwg y bydd y Cofio eleni yn edrych ychydig yn wahanol i flynyddoedd blaenorol a bydd yn rhaid iddo ystyried y sefyllfa bresennol, gan adlewyrchu’r rheoliadau sydd ar waith ar y pryd i gyfyngu ar ledaeniad y feirws. Bydd Llywodraeth Cymru yn nodi’r achlysur, er ei fod ar ffurf diwygiedig, gyda chyfranogiad yn agoriad Maes Cofio Cymru a Gŵyl Cofio (dan arweiniad y Lleng Brydeinig Frenhinol) a’r Gwasanaeth Cofio Cenedlaethol a fydd yn digwydd yn gyfyngedig.

Er mwyn i drefnwyr allu glynu wrth ganllawiau a chynllunio Deddfau Cofio yn ddiogel, rydym yn rhannu’r canllawiau cenedlaethol a lleol presennol i Gymru ynghylch Covid 19. Gan fod hon yn sefyllfa sy’n symud yn gyflym, byddwn yn dosbarthu diweddariadau wrth iddynt ddigwydd a byddem yn annog trefnwyr i wirio a monitro cyhoeddiadau’n rheolaidd ynghylch gweithgarwch a ganiateir sy’n berthnasol i’r ardal. Nid yw’n bosibl rhagweld ble y byddwn ym mis Tachwedd fel y byddwch yn gwerthfawrogi ond gobeithiwn y bydd y canllawiau canlynol yn helpu i gynllunio gweithgarwch.

Cynhwysir rheolau ar gyfer crynoadau awyr agored a mannau addoli yn y Cwestiynau Cyffredin a gobeithiwn y bydd y rhain yn helpu i gynllunio Deddfau Cofio e.e. Wrth gofebau Rhyfel.

Links / dolenni:

Coronavirus regulations – FAQs / Rheoliadau corona firws – Cwestiynau Cyffredin:

https://llyw.cymru/rheoliadau-coronafeirws-canllawiau?_ga=2.62663532.1967293491.1600772643-1165475327.1570627919

https://gov.wales/coronavirus-regulations-guidance

Local lockdown information / Gwybodaeth gloi leol:

https://llyw.cymru/cyfnod-clo-lleol?_ga=2.63662959.1967293491.1600772643-1165475327.1570627919

https://gov.wales/local-lockdown

Guidance on leaving your home and seeing other people / Canllawiau ar adael eich cartref a gweld pobl eraill:

https://llyw.cymru/canllawiau-ar-adael-eich-cartref-gweld-pobl-eraill-coronafeirws?_ga=2.84521945.1771770827.1600963895-599435944.1574850030

https://gov.wales/guidance-leaving-your-home-and-seeing-other-people-coronavirus

Coronavirus and the law / Corona firws a’r gyfraith:

https://llyw.cymru/coronafeirws-ar-gyfraith?_ga=2.108742722.1967293491.1600772643-1165475327.1570627919

https://gov.wales/coronavirus-law

Gan fod y sefyllfa yng Nghymru yn newid o ddydd i ddydd, mae Llywodraeth Cymru yn aml yn diweddaru ei rheolau a’i chanllawiau – rwy’n sylweddoli pa mor anodd yw hi i ddygymod â’r newidiadau amrywiol a chyflym, ond mae’n bwysig iawn i ni wneud hynny. Mae’n siŵr eich bod yn gwybod bod llawer o gyngor, atebion i gwestiynau cyffredin a dolenni i’r ddeddfwriaeth lawn ar wefannau Llywodraeth Cymru a Chyngor Sir Caerfyrddin.

Un o’r prif faterion sydd wedi dod i’r amlwg yn ddiweddar, lle mae angen atgyfnerthu’r neges, yw’r neges ynghylch pobl yn ymgynnull a digwyddiadau dan do.

Y rheol gyffredinol yw na allwch gwrdd yn gymdeithasol dan do â phobl nad ydynt yn eich aelwyd neu’ch aelwyd estynedig. Yn ogystal, o 14 Medi, mae’n rhaid cyfyngu ar y nifer a fydd yn cwrdd o dan do i 6 pherson (heb gynnwys unrhyw blant o dan 11 oed) hyd yn oed o fewn eich aelwyd estynedig. Mae hyn hefyd yn berthnasol mewn mannau fel tafarndai a bwytai ynghyd â chartrefi pobl.

Wrth gwrs, mae llawer o Gynghorau Tref a Chymuned yn rheoli ac yn berchen ar leoliadau cymdeithasol fel clybiau chwaraeon a neuaddau cymunedol, ac mae’n bwysig iawn bod pobl yn cael cyngor priodol ynghylch ailagor y safleoedd hyn a chyn ceisio trefnu digwyddiad yn un o’ch lleoliadau. Mae’r gyfraith yng Nghymru yn gosod cyfyngiadau ar bobl yn ymgynnull o dan do gydag eraill heb esgus rhesymol ac mae hyn fel arfer yn golygu y dylai unrhyw weithgareddau sy’n cael eu cynnal yn eich lleoliadau gael esgus rhesymol dros wneud hynny.

Ni chaniateir i chi drefnu cwrdd â phobl y tu allan i’ch aelwyd neu’ch aelwyd estynedig i fynd i rywle dan do, megis siopau, caffis, bwytai, bariau neu dafarndai. Yn yr un modd, ni ddylech drefnu i blant fynd i fannau dan do gyda’i gilydd, fel sinemâu neu arcedau difyrrwch, os nad ydynt yn rhan o’r un aelwyd neu aelwyd estynedig.

Er bod cynulliadau o hyd at 30 o bobl yn cael eu caniatáu yn yr awyr agored, dylai oedolion a phlant barhau i gadw pellter cymdeithasol oddi wrth bobl nad ydynt yn eu haelwyd, neu eu haelwyd estynedig, lle bynnag ag y bo modd.

Gweler: https://llyw.cymru/canllawiau-ar-adael-eich-cartref-gweld-pobl-eraill-coronafeirws

Rydych mewn sefyllfa dda iawn fel arweinwyr cymunedol i sicrhau bod y neges hon yn glir.

Efallai eich bod wedi gweld yn y cyfryngau bod ein swyddogion yn ymweld â lleoliadau ledled Sir Gaerfyrddin i sicrhau eu bod yn cydymffurfio â mesurau Covid-19. Er eu bod yn hapus i helpu lle bynnag y gallant drwy gynnig cyngor a gwybodaeth, cyfrifoldeb y person sy’n gyfrifol am y safle yw sicrhau ei fod yn ymwybodol o’r ddeddfwriaeth a bod popeth mewn trefn. Fel yr uchod, mae ystod o ffynonellau gwybodaeth ar wefannau Llywodraeth Cymru a’r Cyngor Sir.

Yn olaf, mae llawer ohonom fel arfer yn helpu i drefnu digwyddiadau cymunedol ar yr adeg hon o’r flwyddyn, cyn tymor y gaeaf. Yn Llanelli, rydym eisoes wedi gwneud penderfyniad i ganslo’r Carnifal Nadolig blynyddol – roedd hwn yn benderfyniad anodd, ond yr un cywir. Rwy’n siŵr y byddwch yn gweithredu’n ofalus, gan roi sylw i gyngor Llywodraeth Cymru ar ledaeniad y feirws yn y gymuned drwy gynulliadau mawr o bobl.

Cronfa Ymateb Cymunedol COVID- 19 Sir Gar

Mae cronfa grant newydd wedi’i lansio i helpu sefydliadau cymunedol ar draws Sir Gaerfyrddin mewn ymateb i bandemig COVID19. Mae cronfa ymateb cymunedol COVID-19 Sir Gaerfyrddin yn gynllun ar y cyd a gefnogir gan Gyngor Sir Caerfyrddin, Cymdeithas Gwasanaethau Gwirfoddol Sir Gaerfyrddin (CAVS), Cronfa fferm wynt Mynydd y Betws, LEADER, Cronfa’r Eglwys yng Nghymru, partneriaeth gofal Gorllewin Cymru a Llywodraeth Cymru.Gall sefydliadau cymwys wneud cais am uchafswm o £1000 er mwyn cefnogi mudiadau sector gwirfoddol a grwpiau cymunedol yn Sir Gaerfyrddin i gynnal neu gynyddu gweithgareddau sy’n cefnogi’r rhai mwyaf bregus yn ystod argyfwng coronafeirws (COVID-19).

I gofrestru eich diddordeb, cysylltwch â  RDPSIRGAR@carmarthenshire.gov.uk

Holidadur Trydydd Sector

Mae Cyngor Sir Caerfyrddin, Cymdeithas Gwasanaethau Gwirfoddol Sir Gaerfyrddin a Chanolfan Cydweithredol Cymru yn ymwybodol iawn o effaith pandemig COVID-19 ar y trydydd sector ar hyn o bryd ac maent am sicrhau bod anghenion a phryderon y sector yn cael eu clywed yn ystod y cyfnod anodd a digynsail hwn.

Er mwyn asesu’r sefyllfa, rydym wedi creu holiadur ar gyfer sefydliadau’r trydydd sector er mwyn gallu asesu’r effaith yn Sir Gaerfyrddin yn ogystal ag ar sefydliadau unigol.

Rydym yn annog pob sefydliad trydydd sector i lenwi’r holiadur a’i gyflwyno erbyn 10fed o Mehefin 2020.

Holidadur Trydydd Sector

£26 miliwn i helpu elusennau bach yng Nghymru

Mae Llywodraeth Cymru wedi cyhoeddi y bydd miloedd o elusennau bach yn y sector manwerthu, hamdden a lletygarwch yn cael grant cymorth busnes gwerth £10,000 i’w helpu i ymateb i heriau ariannol COVID- 19.

Bydd y pecyn newydd hwn yn cefnogi eiddo sydd â gwerth ardrethol o £12,000 neu is. Cyngor Sir Caerfyrddin sy’n gweinyddu’r cynllun hwn.

Bydd manylion pellach ar sut i wneud cais ar gael yn fuan.

Cyllid Cymunedol

Mae cyllid newydd ar gael i roi cymorth i amrywiaeth eang o sefydliadau y mae’r Coronafeirws wedi effeithio arnynt.

Mae amrywiol grantiau wedi cael eu cyhoeddi i helpu elusennau, sefydliadau a grwpiau cymunedol i barhau i ddarparu gwasanaethau mawr eu hangen a rhoi cymorth i gymunedau.

Bydd prosiectau y mae’r Coronafeirws wedi cael yr effaith fwyaf arnynt ac sy’n cefnogi rhai o’r bobl fwyaf agored i niwed yn ein cymunedau yn gallu elwa o gymorth ariannol. Mae’r pecynnau cyllid yn rhychwantu’r sectorau cymunedol, elusennol, treftadaeth, addysg, yr amgylchedd, chwaraeon a’r celfyddydau.

Mwy o wybodaeth

Cyfeirlyfr cymunedol

Ledled Sir Gaerfyrddin, mae cymunedau a busnesau wedi dod ynghyd i helpu lle bynnag y gallant gynnig cefnogaeth ymarferol ac emosiynol.

Os ydych yn cydlynnu cefnogaeth cymunedol ac am ychwanegu manylion am eich grŵp, anfonwch e-bost i covid19community@sirgar.gov.uk gydag enw eich grŵp, disgrifiad byr o’r hyn rydych yn ei wneud, sut y gall pobl gysylltu â chi e.e. Facebook/ dolen i’r wefan, e-bost a/neu rif ffôn a’r ardal rydych chi’n gweithio ynddi.

Cyfeirlyfr cymunedol

Gwirfoddoli

Ledled Sir Gaerfyrddin, mae cymunedau a busnesau wedi dod ynghyd i helpu lle bynnag y gallant gynnig cefnogaeth ymarferol ac emosiynol.

Os ydych chi’n chwilio am wirfoddolwyr, cysylltwch â CAVS: volunteering@CAVS.org.uk neu ffoniwch 01267 245555.

Mwy o wybodaeth